<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ພິທີມອບໃບຢັ້ງຢືນຖິ່ນກຳເນີດເຂົ້າໄກ່ນ້ອຍ ແຂວງຊຽງ ຂວາງ

ເວລາອອກ:2018-12-05 10:05:24   ຄວາມເປັນມາຂອງບົດ:most

            ວັນທີ 05 ທັນວາ 2018 ຢູ່ສະໜາມກິລາ ແຂວງ ຊຽງຂວາງ, ກະຊວງ ວິທະຍາສາດ ແລະ ເຕັກໂນໂລຊີ (ກວຕ)

ໄດ້ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ (ພວຕ) ແລະ ຄະນະຈັດຕັ້ງພີທີ ແຂວງຊຽງຂວາງ ໄດ້ຈັດ ພິທີມອບໃບຢັ້ງຢືນຖິ່ນກຳເນີດເຂົ້າໄກ່ນ້ອຍ ແຂວງຊຽງຂວາງ ເນື່ອງໃນວາລະໂອກາດສຳຄັນ ຂອງນິເທດສະການ ບຸນເຂົ້າໄກ່ນ້ອຍແຂວງຊຽງຂວາງ.

ການມອບໃບຢັ້ງຢືນ ຄັ້ງນີ້ ເປັນຄັ້ງທີ 2 ທີ່ສືບຕໍ່ຈາກແຂວງຫົວພັນ ທີ່ໄດ້ມອບໃບຢັ້ງຢືນຖິ່ນກຳເນີດ ເຂົ້າໄກ່ນ້ອຍໄປແລ້ວເມື່ອຄັ້ງວັນທີ 13 ພະຈິກທີ່ຜ່ານມາ.

ພິທີມອບດັ່ງກ່າວ ໄດ້ຮັບກຽດການເຂົ້າຮ່ວມເປັນຄະນະປະທານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ ແລະ ທ່ານ ບຸນຕົ້ນ ຈັນທະພອນ, ເລ ຂາຄະນະບໍລິຫານງານພັກແຂວງ, ເຈົ້າແຂວງແຂວງຊຽງຂວາງ.

ການຈົດທະບຽນຖິ່ນກໍາເນີດເຂົ້າໄກ່ນ້ອຍຊຽງຂວາງ ແມ່ນໄດ້ເລີ່ມຂຶ້ນໃນຕົ້ນປີ 2016 ພາຍໃຕ້ການຊີ້ນໍາ-ນໍາພາຢ່າງໃກ້ຊິດ ແລະ ເອົາໃຈໃສ່ຂອງກົມຊັບສິນທາງ ປັນຍາ, ຄະນະນໍາກະຊວງວິທະຍາສາດ ແລະ ເຕັກໂນໂລຊີ, ອໍານາດການປົກຄອງແຂວງຊຽງຂວາງ ສົມທົບກັບຂະແໜງ ການກ່ຽວ ຂ້ອງຈາກ ຂັ້ນສູນກາງ ແລະ ທ້ອງຖິ່ນຜູ້ຜະລິດ ແລະ ຜູ້ປະກອບການເຂົ້າໄກ່ນ້ອຍ ແຂວງຊຽງຂວາງ ເປັນເຈົ້າການໃນການຈັດຕັ້ງປະຕິບັດ ໂດຍໄດ້ຮັບການສະໜັບສະໜູນທາງດ້ານເຕັກນິກວິຊາການ ແລະ ທຶນ ຮອນຈາກອົງການພັດທະນາແຫ່ງປະເທດຝຣັ່ງ (AFD) ຜ່ານອົງການອາຫານ ແລະ ການກະເສດ (FAO) ປະຈໍາ ສປປ ລາວ.

ຂະບວນການຈົດທະບຽນຖິ່ນກໍາເນີດດັ່ງກ່າວ ໄດ້ມີການເຕົ້່່າໂຮມຜູ້ຜະລິດ ແລະ ຜູ້ປະກອບການ ທີ່ຜະລິດ ແລະ ຄ້າຂາຍເຂົ້າໄກ່ນ້ອຍ ເຂົ້າຮ່ວມສ້າງຕັ້ງເປັນສະ ມາຄົມສົ່ງເສີມເຂົ້າໄກ່ນ້ອຍແຂວງຊຽງຂວາງ ມີ 66 ຄອບຄົວ, ໄດ້ກໍານົດພື້ນທີ່ການຜະລິດ ມີ 52,38 ເຮັກຕາ.

ໃນວັນທີ 21 ເມສາ 2017, ສະມາຄົມສົ່ງເສີມເຂົ້າໄກ່ນ້ອຍແຂວງຊຽງຂວາງ ແລະ ແຂວງຫົວພັນ ໄດ້ຍື່ນຄໍາຮ້ອງຂໍຈົດທະບຽນຖິ່ນ ກໍາເນີດເຂົ້າໄກ່ນ້ອຍ ກັບ ກະຊວງວິທະຍາສາດ ແລະ ເຕັກໂນໂລຊີ ໃນງານມະຫະກຳຊັບສິນທາງປັນຍາ ແລະ ໃນວັນທີ 08 ພະຈິກ 2018 ທີ່ຜ່ານມານີ້, ກະຊວງວິທະຍາສາດ ແລະ ເຕັກໂນໂລຊີ ໄດ້ອອກໃບຢັ້ງຢືນຖິ່ນກຳເນີດເຂົ້າໄກ່ນ້ອຍ ໃຫ້ແກ່ສະມາຄົມສົ່ງເສີມເຂົ້າໄກ່ນ້ອຍແຂວງຫົວພັນ ແລະ ແຂວງຊຽງຂວາງ.

ໃນໂອກາດທີ່ມີຄວາມໝາຍຄວາມສຳຄັນຄັ້ງນີ້, ທ່ານ ບຸນຕົ້ນ ຈັນທະພອນ, ເລຂາຄະນະບໍລິຫານ ງານພັກແຂວງເຈົ້າແຂວງແຂວງຊຽງຂວາງ ໄດ້ມີຄຳເຫັນຕໍ່ພິ ທີດັ່ງກ່າວວ່າ: ແຂວງຊຽງຂວາງ ເປັນແຂວງທີ່ມີຫຼາຍສີສັນວັດທະນະທຳສວຍງາມທາງທຳມະຊາດ ແລະ ປະຫວັດສາດລືນາມ; ຊາວຊຽງຂວາງພວກເຮົາສຸດທີ່ພາກພູມໃຈ ແລະ ເອກອ້າງທະນົງໃຈຕໍ່ຜົນງານ ແລະ ໄຊຊະນະແຫ່ງກ້ອນກຳລັງ ມະຫາສາມັກຄີ ອັນເປັນປຶກແຜ່ນແໜ້ນໜາ ຂອງ ທົ່ວ ປວງຊົນ ໃນພາລະກິດແຫ່ງການປົກປັກຮັກ ສາ ແລະ ສ້າງສາພັດທະນາແຂວງຊຽງຂວາງ ໃຫ້ຮັ່ງມີເຂັ້ມແຂງຂື້ນຢ່າງຕໍ່ເນື່ອງ ໃນຕະຫຼອດຊຸມປີທີ່ຜ່ານມາ.

ງານເທດສະການບຸນເຂົ້າໄກ່ນ້ອຍ ແລະ ສະເຫຼີມສະຫຼອງປີທ່ຽວລາວ 2018ຂອງພວກເຮົາໃນຄັ້ງນີ້ເປັນຂີດໝາຍທີ່ສຳຄັນຍິ່ງໃນການປຸກລະດົມກຳລັງແຮງຂອງ ທົ່ວສັງຄົມ ເຂົ້າໃນການສົ່ງເສີມ ແລະ ພັດ ທະນາການທ່ອງທ່ຽວ ໃຫ້ກາຍເປັນຂະແໜງການບູລິມະສິດໃນການພັດທະນາເສດຖະກິດ - ສັງຄົມຂອງແຂວງ, ສະແດງເຖິງ ຄວາມສາມັກຄີເປັນປຶກແຜ່ນ, ຄວາມພ້ອມພຽງຮຽງໜ້າຂອງຊາວຊຽງຂວາງທຸກຖ້ວນໜ້າ, ເປັນການເສີມຂະຫຍາຍທ່າແຮງການທ່ອງທ່ຽວ ທາງວັດທະນະທຳ, ທໍາມະ ຊາດ, ແລະ ປະຫວັດສາດ ເພື່ອສືບຕໍ່ດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ໃຫ້ເຂົ້າມາທ່ອງທ່ຽວຢູ່ແຂວງຊຽງຂວາງ ຫຼາຍຂຶ້ນຢ່າງບໍ່ຢຸດຢັ້ງ.

ໂອກາດດຽວກັນນີ້, ທ່ານ ຫົວໜ້າ ກົມຊັບສິນທາງປັນຍາ ຍັງໄດ້ກ່າວເຖິງຖິ່ນກໍາເນີດ ໝາຍເຖິງສັນຍາລັກທີ່ບົ່ງບອກທີ່ມາຂອງສິນຄ້າຈາກດິນແດນ, ເຂດ ຫຼື ທ້ອງຖິ່ນ ຂອງປະເທດໃດໜຶ່ງ ຊຶ່ງເປັນສິ່ງສໍາຄັນ ພາໃຫ້ສິນຄ້າມີຄຸນນະພາບ ແລະ ຊື່ສຽງ ຫຼື ຄຸນລັກຊະນະອື່ນ ທີ່ຕິດພັນກັບພູມສາດ ທັງເປັນສິ່ງກະຕຸກຊຸກຍູ້ໃຫ້ມີການ ອະນຸລັກລະບົບນິເວດ, ວັດທະນະທໍາ ແລະ ປະກອບສ່ວນເຂົ້າ ໃນພັດທະນາເສດຖະກິດຂອງຊົນນະບົດ; ສຳລັບວຽກງານຖິ່ນກໍາເນີດ ຖືວ່າເປັນວຽກງານຊັບສິນທາງປັນ ຍາປະເພດໜຶ່ງ ຊຶ່ງໄດ້ເລີ່ມຈັດຕັ້ງປະຕິບັດຢູ່ ສປປ ລາວ ໃນຊຸມປີຜ່ານມາ ໃນຂະນະທີ່ທ່າອ່ຽງຂອງການພັດທະນາ ວຽກງານດັ່ງກ່າວໃນລະດັບສາກົນ ແລະ ພາກພື້ນແມ່ນ ໄດ້ມີການຂະຫຍາຍຕົວສູງ, ເວົ້າສະ ເພາະໃນຂົງເຂດປະເທດອາຊຽນ ແມ່ນມີຫຼາຍກວ່າ 150 ລາຍການສິນຄ້າ ທີ່ໄດ້ຮັບການຈົດ ທະບຽນ ປົກປ້ອງຖິ່ນກໍາເນີດແລ້ວ ຊຶ່ງຖື ວ່າ ເປັນຂົງເຂດທີ່ມີການພັດທະນາທາງດ້ານ ວຽກງານຖິ່ນກໍາເນີດ ຫຼາຍພໍສົມຄວນ.

ທ່ານ ກ່າວວ່າ: ສໍາລັບ ສປປ ລາວ ຫຼັງຈາກໄດ້ປະກາດໃຊ້ກົດໝາຍວ່າດ້ວຍຊັບສິນທາງປັນຍາ ກໍໄດ້ມີການສ້າງລະບົບການຈົດທະບຽນປົກປ້ອງຖິ່ນກໍາເນີດສິນ ຄ້າຂຶ້ນ ເປັນຕົ້ນແມ່ນ ການສ້າງ ແລະ ປັບປຸງກົດໝາຍ ແລະ ນິຕິກໍາລຸ່ມກົດໝາຍ ທີ່ຕິດພັນກັບການຈັດຕັ້ງປະຕິບັດວຽກງານຖິ່ນກໍາເນີດ, ດໍາເນີນການຈັດຕັ້ງເຜີຍແຜ່ ແລະ ຝຶກອົບຮົມສ້າງຄວາມເຂັ້ມແຂງ ກ່ຽວກັບວຽກງານຖິ່ນກໍາເນີດ ໃນຂັ້ນສູນກາງ ແລະ ຂັ້ນແຂວງ ທີ່ມີຜະລິດຕະພັນ ຊຶ່ງເປັນເປົ້າໝາຍຈົດທະບຽນຖິ່ນກໍາເນີດ ແລະ ຈັດຕັ້ງປະຕິບັດວຽກງານປິ່ນອ້ອມຈໍານວນໜຶ່ງ ໃຫ້ແກ່ພາກສ່ວນກ່ຽວຂ້ອງພາກລັດ ແລະ ສະມາຄົມສົ່ງ ເສີມ ຖິ່ນກຳເນີດເຂົ້າໄກ່ນ້ອຍ.

ພາຍຫຼັງປີ 2007, ກະຊວງກະສິກຳ ແລະ ປ່າໄມ້ ຮ່ວມກັບ ອົງການພັດທະນາແຫ່ງປະເທດຝຣັ່ງ (AFD) ໄດ້ກຳນົດຜະລິດຕະພັນເອກະລັກທ້ອງຖິ່ນ ທີ່ມີທ່າ ແຮງຈົດທະບຽນຖິ່ນນຳເນີດ ຈຳນວນ 19 ລາຍການ, ໄດ້ລົງເລິກສຶກສາຄວາມເປັນໄປໄດ້ ທາງດ້ານຕະຫຼາດ ແລະ ເສດຖະກິດ ຂອງຜະລິດຕະພັນເອກະລັກທ້ອງຖິ່ນຈໍາ ນວນ 05 ລາຍການ: 1. ກາເຟພູພຽງບໍລະເວນ; 2.ໄຄແຜ່ນຫຼວງພະບາງ; 3.ຜ້າໃໝ

ລາວ; 4. ເຂົ້າໄກ່ນ້ອຍຈາກແຂວງຊຽງຂວາງ ແລະ ຫົວພັນ; 5.ຊາຈາກເມືອງປາກຊ່ອງ.

ທ່ານ ຍັງໄດ້ກ່າວຕື່ມວ່າ: ການຈົດທະບຽນປົກປ້ອງຖິ່ນກໍາເນີດເຂົ້າໄກ່ນ້ອຍຈາກແຂວງຊຽງຂວາງ ແລະ ແຂວງຫົວພັນ ແມ່ນເພື່ອປົກປ້ອງຊື່ສຽງຂອງເຂົ້າໄກ່ ນ້ອຍ ອັນເປັນທີ່ຮູ້ຈັກຢ່າງກວ້າງຂວາງ, ປົກປ້ອງພູມປັນຍາທ້ອງຖິ່ນທີ່ຕິດພັນກັບການຜະລິດເຂົ້າໄກ່ນ້ອຍ ທີ່ມີການສືບທອດມາຈາກບັນພະບູລຸດຫຼາຍຮຸ່ນຄົນ ທີ່ສາມາດ ເວົ້າໄດ້ວ່າ ແມ່ນຊັບສິນທາງປັນຍາຂອງຊຸມຊົນທ້ອງຖິ່ນ.

ການຈົດທະບຽນຖິ່ນກໍາເນີດຄັ້ງນີ້ ເປັນການຊ່ວຍໃຫ້ມີການຮັກສາຄຸນນະພາບທີ່ເປັນເອກະລັກຂອງເຂົ້າໄກ່ນ້ອຍໄວ້ ເນື່ອງຈາກວ່າ ຫຼັງຈາກການຈົດທະບຽນ ຈະມີການກວດກາທຸກຂັ້ນຕອນການຜະລິດ ແລະ ມີການຢັ້ງຢືນຄວາມຖືກຕ້ອງຕາມມາດຕະຖານການຜະລິດເຂົ້າໄກ່ນ້ອຍ ຈາກໜ່ວຍງານຢັ້ງຢືນຈາກພາຍໃນ ຫຼື ສາກົນ ຈິ່ງຈະເຮັດໃຫ້ສິນຄ້າເຂົ້າໄກ່ນ້ອຍທີ່ວາງຂາຍໃນທ້ອງຕະຫຼາດ ຕິດກາໝາຍຖິ່ນກໍາເນີດແຫ່ງຊາດ ທີ່ຄຸ້ມຄອງໂດຍ ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກ ໂນໂລຊີ ໃສ່ສະຫຼາກສິນຄ້າໄດ້.

ພ້ອມກັນນັ້ນ, ການຈົດທະບຽນປົກປ້ອງຖິ່ນກໍາເນີດ ຍັງຈະເຮັດໃຫ້ສິນຄ້າເຂົ້າໄກ່ນ້ອຍ ມີມູນຄ່າເພີ່ມສູງຂຶ້ນ ເນື່ອງຈາກ ສິນຄ້າຜ່ານກວດກາ ແລະ ຢັ້ງຢືນມາດ ຕະຖານການຜະລິດ ພ້ອມທັງມີການຢັ້ງຢືນຖິ່ນທີ່ມາຂອງສິນຄ້າທີ່ແທ້ຈິງດ້ວຍການນໍາໃຊ້ກາໝາຍຖິ່ນກໍາເນີດແຫ່ງຊາດ ຊຶ່ງເປັນການຮັບປະກັນຕໍ່ຜູ້ບໍລິໂພກທາງດ້ານຄຸນ ນະພາບທີ່ເປັນເອກະລັກ ແລະ ທີ່ມາຂອງສິນຄ້າຈຶ່ງເຮັດໃຫ້ຜູ້ບໍລິໂພກພໍໃຈຊື້ສິນຄ້າເຂົົ້າໄກ່ນ້ອຍໃນລາຄາທີ່ສູງຂຶ້້ນ.

ເມື່ອສິນຄ້າຖິ່ນກໍາເນີດເຂົ້າໄກ່ນ້ອຍ ມີມູນຄ່າສູງຂຶ້ນ ມັນຈະເປັນສິ່ງດຶງດູດການລົງທຶນເຂົ້າໃນການຜະລິດ, ແປຮູບ, ຫຸ້ມຫໍ່, ການຕະຫຼາດ ແລະ ກິດຈະກໍາ ການທ່ອງທ່ຽວ ທີ່ສາມາດສົ່ງອອກສິນຄ້າໄດ້ກັບທີ່ ແລະ ກ້າວໄປເຖິງການກາຍເປັນສິນຄ້າເອກະລັກພິເສດຂອງແຂວງທີ່ສາມາດສົ່ງອອກໄດ້ໃນອະນາ ຄົດ.

ສໍາລັບວຽກງານຖິ່ນກໍາເນີດໃນຕໍ່ໜ້າ, ກົມຊັບສິນທາງປັນຍາ, ກະຊວງວິທະຍາສາດ ແລະ ເຕັກໂນໂລຊີ ຈະສືບຕໍ່ໂຄງການສົ່ງເສີີມສິນຄ້າຖິ່ນກໍາເນີດເຂົ້າໄກ່ ນ້ອຍ ແຂວງຊຽງຂວາງ ແລະ ແຂວງຫົວພັນ ຮ່ວມມືກັບ ອົງການພັດທະນາຂອງປະເທດຝຣັ່ງ (AFD), ສ້າງລະບົບການກວດສອບພາຍໃນຂອງສະມາຄົມສົ່ງເສີມຖິ່ນກໍາ ເນີດເຂົ້າໄກ່ນ້ອຍ; ສ້າງຍີ່ຫໍ້ ແລະ ການອອກແບບສິ່ງຫຸ້ມຫໍ່ ເຂົ້າໄກ່ນ້ອຍ; ໂຄສະນາສົ່ງ ເສີມການຕະຫຼາດສໍາລັບສິນຄ້າເຂົ້າໄກ່ນ້ອຍ; ມີແຜນຈົດທະບຽນຖິ່ນກໍາເຂົ້າໄກ່ ນ້ອຍຢູ່ຕ່າງ ປະເທດ ເຊັ່ນ: ສະຫະພາບເອີຣົບ ແລະ ຈົດທະບຽນຖິ່ນກໍາເນີດສິນຄ້າເອກະລັກພິເສດທ້ອງຖິ່ນອີກຫຼາຍລາຍການ ເຊັ່ນ: ຊາຜົ້ງສາລີ ແລະ ຊາປາກຊ່ອງ, ຜ້າ ໃໝຫຼວງພະບາງ ແລະ ຫົວພັນ, ໂສມດາກຈຶງ ແຂວງເຊກອງ.

ສະເພາະແຂວງຊຽງຂວາງ ກໍຍັງມີທ່າແຮງໃນການຈົດທະບຽນຖິ່ນກຳເນີດ ເຊັ່ນ: ເຫັດຫວາຍ, ໜໍ່ສັນ ແລະ ອື່ນໆອີກ, ສະນັ້ນ ຈຶ່ງສາມາດເວົ້າໄດ້ວ່າ ການຈົດ ທະບຽນຖິ່ນກໍາເນີດຜະລິດຕະພັນສິນຄ້າ ຈະເປັນສິ່ງກະຕຸກຊຸກຍູ້ໃຫ້ເກີດການສ້າງວຽກເຮັດງານທໍາ, ສ້າງລາຍໄດ້ໃຫ້ຊຸມຊົນ ແລະ ປະກອບສ່ວນເຂົ້າໃນການພັດທະນາ ເສດຖະກິດຊົນນະບົດ ກ້າວໄປເຖິງການຫຼຸດຜ່ອນຄວາມທຸກຍາກ ແລະ ແກ້ໄຂຊີວິດການເປັນຢູ່ຂອງປະຊາຊົນໃຫ້ດີຂຶ້ນ ໂດຍສະເພາະ ແມ່ນປະຊາຊົນແຂວງຊຽງຂວາງ.

ໃຫ້ກຽດມອບໃບຢັ້ງຢືນດັ່ງກ່າວ ແມ່ນ ທ່ານ ບັນດິດ ສຈ. ບໍ່ວຽງຄໍາ ວົງດາລາ ກໍາມະການສູນກາງພັກເລຂາຄະນະພັກລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລະ ທ່ານ ບຸນຕົ້ນ ຈັນທະພອນ, ເລຂາຄະນະບໍລິຫານງານພັກແຂວງ, ເຈົ້າແຂວງແຂວງຊຽງຂວາງ ຕາງໜ້າໃຫ້ສະມາຄົມສົ່ງເສີມເຂົ້າໄກ່ນ້ອຍຊຽງ ຂວາງ ເປັນຜູ້ຮັບໃບຢັ້ງຢືນເຂົ້າໄກ້ນ້ອຍ.

ເຂົ້າຮ່ວມພິທີໃນຄັ້ງນີ້ ມີບັນດາທ່ານ ເຈົ້າແຂວງ ແຂວງຂຽງຂວາງ, ຮອງຈົ້າແຂວງ, ຮອງລັດຖະ ມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ບັນດາການນຳຈາກອ້ອມຂ້າງແຂວງ, ຕາງໜ້າຈາກກະຊວງ, ອົງການທັງພາຍລັດ ແລະ ເອກະຊົນ, ຕະຫລອດຮອດນ້ອງໆນັກຮຽນ, ພໍ່ແມ່ປະຊາຊົນພາຍໃນແຂວງຊຽງ ຂວາງ.