<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ວາງສິລາລຶກໂຄງການກໍ່ສ້າງອາຄານຮ່ວມມື ຄົ້ນຄວ້າ ຜະລິດ ກະສິກຳ ລາວ-ຈີນ

ເວລາອອກ:2018-11-26 21:10:29   ຄວາມເປັນມາຂອງບົດ:KPL

ຂປລ. ພິທີວາງສິລາລຶກໂຄງການກໍ່ສ້າງອາຄານຮ່ວມມືຄົ້ນຄວ້າ  ແລະ ຜະລິດກະສິກຳລາວ-ຈີນ ໄດ້ມີຂຶ້ນໃນວັນທີ  25 ພະຈິກ 2018, ໂດຍມີ ທ່ານ ລຽນ ທິແກ້ວ  ລັດຖະມົນຕີ ກະຊວງກະສິກຳ ແລະ ປ່າໄມ້, ທ່ານ  ຕູ້ ເຈຍຫາວ (Du Jiahao)ກຳມະການສູນກາງພັກ, ເລຂາພັກແຂວງ,  ປະທານສະພາປະຊາຊົນແຂວງ ຫູໜານ ສປ ຈີນ,  ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ໂຄງການກໍ່ສ້າງອາຄານຮ່ວມມືການຄົ້ນຄວ້າ  ແລະ ຜະລິດກະສິກຳ ລາວ-ຈີນ ຕັ້ງຢູ່ບ້ານໂພນງາມ  ເມືອງໄຊທານີ ນະຄອນຫລວງວຽງຈັນ.  ໂຄງການດັ່ງກ່າວ, ເປັນໜຶ່ງໃນໂຄງການ ທີ່ສອງຊາດ ລາວ-ຈີນ  ໄດ້ຊຸກຍູ້ສົ່ງເສີມ ເປັນໂຄງການເລີມ ຕົ້ນຂອງໂຄງການເຂດອຸດສາຫະກຳ-ກະສິກຳທັນສະໄໝ  ພາຍໃຕ້ນະໂຍບາຍ “ໜຶ່ງແລວໜຶ່ງເສັ້ນທາງ”. ໂຄງການນີ້,  ຈະຊ່ວຍເພີມທະວີການພົວພັນຮ່ວມມື ລະຫວ່າງ  ສປປ ລາວ ແລະ ສປ ຈີນ ໃຫ້ແໜ້ນແຟ້ນຂຶ້ນກວ່າເກົ່າ,  ທັງເປັນການສົ່ງ ເສີມການພັດທະນາກະສິກໍາສະໄໝໃໝ່ ຂອງລາວ ແລະ ມີຄວາມສຳຄັນຫລາຍໃນການເຊື່ອມໂຍງ ສາຍພົວພັນລາວ-ຈີນ ໃຫ້ເປັນຮູບປະທຳຫລາຍຂຶ້ນ.

ພາບ: ເກດສະໜາ