<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ເຊັນບົດບັນທຶກຄວາມເຂົ້າໃຈ ວ່າດ້ວຍການ ຮ່ວມມື ເພື່ອສ້າງ e-book

ເວລາອອກ:2018-01-10 22:23:24   ຄວາມເປັນມາຂອງບົດ:www.most.gov.la

ໃນຕອນແລງຂອງວັນທີ 28 ສິງຫາ 2017 ທີ່ຫ້ອງ ປະຊຸມຊັ້ນ 3 ຂອງສະຖາບັນ ການທະນາຄານ (ສທຄ),

ສະຖາບັນ ເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ (ສຄອ), ກະຊວງວິທະຍາສາດ ແລະ ເຕັກໂນໂລຊີ ແລະ ສະຖາບັນ ການທະນາຄານ, ທະນາຄານ ແຫ່ງ ສປປ ລາວ ໄດ້ຮ່ວມພິທີເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືດ້ານວິຊາການໃນການສ້າງປື້ມເອເລັກໂຕຼນິກ.

ທັງສອງຝ່າຍເຫັນຄວາມສຳຄັນຂອງປຶ້ມດັ່ງກ່າວ ຈຶ່ງໄດ້ຕົກລົງເຊັນບົດບັນທຶກຄວາມເຂົ້າໃຈສະບັບນີ້ ຮ່ວມກັນ ເພື່ອໃຊ້ເປັນບ່ອນອີງໃນການຈັດຕັ້ງປະຕິບັດສ້າງປຶ້ເອເລັກໂຕນິກ ຫຼື e-book ຮ່ວມກັນເພື່ອເປັນ ການແລກປ່ຽນຂໍ້ມູນຂ່າວສານເຊິ່ງກັນ ແລະ ກັນ, ສ້າງຄວາມເຂັ້ມແຂງທາງດ້ານວິຊາການ ແລະ ການໃຫ້ບໍລິການ ຂໍ້ມູນຂ່າວສານທີ່ທັນສະໄໝໃຫ້ແກ່ສັງຄົມ.

ຜູ້ລົງນາມໃນບົດບັນທຶກດັ່ງກ່າວ ຊຶ່ງຕາງໜ້າສຄອແມ່ນທ່ານວິລະສັກອິນທະປະຖາຫົວໜ້າ ສຄອ ແລະ ຕາງໜ້າສທຄແມ່ນທ່ານນາງດວງດີພິມວົງສາຫົວໜ້າສະຖາບັນການທະນາຄານທະນາຄານແຫ່ງ ສປປ ລາວ.

ພິທີລົງນາມດັ່ງກ່າວ ໄດ້ຮັບກຽດການເຂົ້າຮ່ວມເປັນສັກຂີພິຍານຂອງທ່ານຮອງຫົວໜ້າ ສຄອ ແລະ ຮອງຫົວໜ້າສະຖາບັນການທະນາຄານ ແລະ ພະນັກ ງານກ່ຽວຂ້ອງທັງສອງຝ່າຍ.

ຮູບ ແລະ ຂ່າວ: ສຄອ

alt