<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ພິທີເຊັນສັນຍາຮ່ວມມືໂຄງການກອງທຶນພິເສດ ແມ່ນ້ຳຂອງ-ແມ່ນ້ຳລ້ານຊ້າງລະຫວ່າງ ສປປ ລາວ ແລະ ສປ ຈີນ

ເວລາອອກ:2018-01-03 14:38:50   ຄວາມເປັນມາຂອງບົດ:CRI
ທ່ານ ຫວາງເວີນທຽນ ເອກອັກຄະລັດຖະທູດຈີນປະຈຳລາວ ໄດ້ສະແດງຄວາມຊົມເຊີຍແລະຂອບໃຈເປັນຢ່າງສູງທີ່ລາວໄດ້ປະກອບສ່ວນອັນສຳຄັນເຂົ້າໃນການພັດທະນາກົນໄກແມ່ນ້ຳຂອງ-ແມ່ນ້ຳລ້ານຊ້າງ. ທ່ານ ຫວາງເວີນທຽນ ກ່າວວ່າ, ຈີນຍິນດີຮ່ວມກັບລາວ ຈັດຕັ້ງປະຕິບັດໂຄງການຮ່ວມມືດັ່ງກ່າວເພື່ອຮ່ວມກັນສ້າງແບບຢ


          ເພື່ອເປັນການສືບຕໍ່ຈັດຕັ້ງປະຕິບັດຜັນຂະຫຍາຍຜົນຂອງກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງຄັ້ງທີ 1 ກໍຄືຖະແຫລງການຊັນຍາຂອງຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ, ກະຊວງການຕ່າງປະເທດລາວຮ່ວມກັບສະຖານທູດຈີນປະຈຳລາວໄດ້ຈັດຳພິທີເຊັນສັນຍາຮ່ວມມືໂຄງການກອງທຶນພິເສດແມ່ນ້ຳຂອງ-ແມ່ນ້ຳລ້ານຊ້າງທີ່ກະຊວງການຕ່າງປະເທດລາວນະຄອນຫລວງວຽງຈັນໃນຕອນບ່າຍຂອງວັນທີ 2 ມັງກອນນີ້. ໃຫ້ກຽດລົງນາມໃນສັນຍາດັ່ງກ່າວໂດຍທ່ານນາງຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດລາວ ຕາງໜ້າໃຫ້ລັດຖະບານລາວ ແລະ ທ່ານຫວາງເວີນທຽນ ເອກອັກຄະລັດຖະທູດຈີນປະຈຳລາວ ຕາງໜ້າລັດຖະບານຈີນເປັນຜູ້ລົງນາມ, ໂດຍມີບັນດາຜູ້ຕາງໜ້າຈາກກະຊວງການຕ່າງປະເທດແລະກະຊວງ\ຂະແໜງການທີ່ໄດ້ຮັບອະນຸມັດໂຄງການແລະພາກສ່ວນກ່ຽວຂ້ອງຂອງຈີນ ເຂົ້າຮ່ວມເປັນສັກຂີພິຍານ.ຈຸດປະສົງຂອງການເຊັນສັນຍາຮ່ວມມືໂຄງການຄັ້ງນີ້ແມ່ນເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດໂຄງການກອງທຶນພິເສດແມ່ນ້ຳຂອງ-ແມ່ນ້ຳລ້ານຊ້າງຈຳນວນທັງໝົດ13 ໂຄງການລວມມູນຄ່າ 3,494,400 ໂດລາສະຫະລັດ.

ໂອກາດນີ້, ທ່ານນາງຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດລາວ ໄດ້ສະແດງຄວາມຂອບໃຈລັດຖະບານຈີນທີ່ຍິນດີສະໜັບສະໜູນການພັດທະນາຂອງລາວ, ເຊື່ອໝັ້ນວ່າໂຄງການດັ່ງກ່າວຈະປະກອບສ່ວນຢ່າງຕັ້ງໜ້າໃນການສົ່ງເສີມການພັດທະນາເສດຖະກິດ-ສັງຄົມຂອງລາວ ທັງເປັນການຮັດແໜ້ນການພົວພັນຮ່ວມມືລະຫວ່າງລາວ-ຈີນກໍຄືບັນດາປະເທດແມ່ນ້ຳຂອງ-ແມ່ນ້ຳລ້ານຊ້າງອີກດ້ວຍ.

 

ທ່ານ ຫວາງເວີນທຽນ ເອກອັກຄະລັດຖະທູດຈີນປະຈຳລາວ ໄດ້ສະແດງຄວາມຊົມເຊີຍແລະຂອບໃຈເປັນຢ່າງສູງທີ່ລາວໄດ້ປະກອບສ່ວນອັນສຳຄັນເຂົ້າໃນການພັດທະນາກົນໄກແມ່ນ້ຳຂອງ-ແມ່ນ້ຳລ້ານຊ້າງ. ທ່ານ ຫວາງເວີນທຽນ ກ່າວວ່າ, ຈີນຍິນດີຮ່ວມກັບລາວ ຈັດຕັ້ງປະຕິບັດໂຄງການຮ່ວມມືດັ່ງກ່າວເພື່ອຮ່ວມກັນສ້າງແບບຢ່າງການຮ່ວມມືລະຫວ່າງບັນດາປະເທດແມ່ນ້ຳຂອງ-ແມ່ນ້ຳລ້ານຊ້າງ. ເຊື່ອໝັ້ນວ່າໂຄງການດັ່ງກ່າວຈະນຳເອົາຜົນປະໂຫຍດໃຫ້ແກ່ປະຊາຊົນລາວຫລາຍກວ່າເກົ່າ ກໍຄື ຊຸກຍູ້ການພົວພັນລະຫວ່າງຈີນ-ລາວໃຫ້ຂະຫຍາຍຕົວກ້າວສູ່ລວງເລິກຢ່າງບໍ່ຢຸດຢັ້ງ.