<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ສອງສະພາວິທະຍາສາດ ລາວ-ຈີນ ລົງນາມ ດ້ານການຄົ້ນຄວ້າວິທະຍາສາດ

ເວລາອອກ:2017-08-18 17:05:15   ຄວາມເປັນມາຂອງບົດ:本站原创


ໃນລະຫວ່າງວັນທີ 15-20 ສິງຫາ 2017ທີ່ຜ່ານມາ, ຄະນະຜູ້ແທນສະພາວິທະຍາສາດ ແຫ່ງຊາດ, ກະຊວງ ວິທະ

ຍາສາດ ແລະ ເຕັກໂນໂລຊີ ແຫ່ງ ສປປ ລາວ ນຳໂດຍ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກຳມະການ ສູນກາງພັກ, ເລຂາຄະນະພັກ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ ປະທານສະພາວິທະຍາ ສາດແຫ່ງຊາດ ພ້ອມດ້ວຍຄະນະ ໄດ້ເດີນທາງຢ້ຽມຢາມ ແລະ ເຮັດວຽກ ທີ່ນະຄອນຄຸນໝິງ, ສປ ຈີນ ໂດຍ ການຕ້ອນຮັບຢ່າງອົບອຸ່ນຂອງ ທ່ານ Chunli BAI ປະທານສະພາບັນດິດວິທະຍາສາດແຫ່ງຊາດ ສປ ຈີນ ພ້ອມຄະນະ ກໍ່ເຂົ້າຮ່ວມ ແລະ ໃຫ້ກຽດຕ້ອນຮັບຢ່າງອົບອຸ່ນ.

ໃນໂອກາດຢ້ຽມຢາມ ແລະ ເຮັດວຽກທີ່ ນະຄອນຄຸນໝິງ, ສປ ຈີນ ຄັ້ງນີ້ ທ່ານ Chunli BAI ປະ ທານສະພາບັນດິດວິທະຍາສາດແຫ່ງຊາດ ສປ ຈີນ ໄດ້ກ່າວສະແດງຄວາມຕ້ອນຮັບ ແລະ ອວຍພອນໃຫ້ແກ່ ທ່ານ ລັດຖະມົນຕີ ກວຕ ພ້ອມດ້ວຍຄະນະຜູ້ແທນ ກວຕ ສປປ ລາວ ໃນໂອກາດມາຢ້ຽມຢາມ ແລະ ເຮັດວຽກ ຢູ່ ນະຄອນຄຸນໝິງ, ສປ ຈີນ ໃຫ້ປະສົບຜົນສໍາເລັດ.

ໃນວັນທີ 17 ສິງຫາ 2017 ການພົບປະສອງຝ່າຍໄດ້ຈັດຂຶ້ນທີ່ສວນພຶກສາສາດສິບສອງພັນນາ ລະຫວ່າງ ສະພາວິທະຍາສາດ ແຫ່ງຊາດ ສປປ ລາວ ແລະ ສະພາບັນດິດວິທະຍາສາດແຫ່ງຊາດ ສປ ຈີນ ເຊິ່ງຝ່າຍລາວນຳໂດຍ ທ່ານ ບັນດິດ ສຈ. ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ປະທານ ສະພາວິທະຍາສາດ ແຫ່ງຊາດ ແລະ ຝ່າຍຈີນນໍາໂດຍ ທ່ານ Chunli BAI ປະທານສະພາບັນດິດວິທະຍາສາດແຫ່ງຊາດ ສປ ຈີນ. ໃນກອງປະຊຸມດັ່ງກ່າວ ແມ່ນໄດ້ຮັບຟັງ ການລາຍງານສະພາບການເຄື່ອນໄຫວວຽກງານຂອງທັງສອງຝ່າຍ ພ້ອມທັງໄດ້ ແລກປ່ຽນບົດຮຽນ, ປຶກສາຫາລືເຊິ່ງກັນ ແລະ ກັນໂດຍສະເພາະແມ່ນ ການສະເໜີຂົງເຂດ ຄວາມເປັນໄປໄດ້ ໃນການຮ່ວມມືກັນໃນອະນາຄົດ. ພາຍຫຼັງສໍາເລັດກອງປະຊຸມ ທັງສອງຝ່າຍກໍໄດ້ເຂົ້າຮ່ວມພິທີລົງນາມ ບົດບັນທຶກຄວາມເຂົ້າໃຈ (MOU) ວ່າດ້ວຍ ການຮ່ວມມືທາງດ້ານການພັດທະນາຊັບພະຍາກອນມະນຸດ ແລະ ການຮ່ວມມືວ່າດ້ວຍການຮ່ວມກັນຄົ້ນຄວ້າຮັກສາລະບົບນິເວດ ແລະ ຊີວະນາໆ ພັນ.

ນອກນັ້ນ, ກໍໄດ້ໄປພົບປະຢ້ຽມຢາມການນໍາຂອງນະຄອນຄຸນໝິງ, ພົບປະເຮັດວຽກກັບພະແນກວິທະຍາສາດ ແລະ ເຕັກໂນໂລຊີ ຄຸນໜິງ, ຢ້ຽມຊົມສວນ ພຶກສາສາດ ແລະ ບັນດາຫ້ອງທົດລອງສິບສອງພັນນາ, ສະຖາບັນສັດຕະສາດ ແລະ ທະນາຄານພັນທຸກໍາສາຍພັນສັດປ່າ ແລະ ສະຖາບັນສັງເກດການດ້ານອາວະກາດ ຢຸນນານ. ພ້ອມດຽວກັນນັ້ນ, ກໍໄດ້ມີພິທີລົງນາມ ບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືທາງດ້ານການຄົ້ນຄວ້າ ແລະ ອານຸລັກສັດ. ໂອກາດດຽວ ກັນນີ້, ທ່ານລັດຖະມົນຕີກະຊວງວິທະຍາສາດ ແລະ ເຕັກໂນໂລຊີແຫ່ງສປປລາວໄດ້ສະແດງຄວາມຂອບໃຈ ແລະ ຕີລາຄາສູງຕໍ່ການຕໍ່ການຕ້ອນຮັບອັນອົບອຸ່ນຈາກ ທ່ານChunli BAI ປະທານສະພາບັນດິດວິທະຍາສາດແຫ່ງຊາດ ສປ ຈີນ ແລະ ການນໍາຂອງແຂວງຢຸນນານ.