<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ລາວ-ໄທ ສົ່ງເສີມການຮ່ວມມືດ້ານວິທະຍາ ສາດ ແລະ ເຕັກໂນໂລຊີ

ເວລາອອກ:2018-01-05 13:07:56   ຄວາມເປັນມາຂອງບົດ:本站原创

           ໃນວັນທີ 6 ເມສາ 2017 ທີ່ຫ້ອງຮັບແຂກ ກະຊວງ ວິທະຍາສາດ ແລະ ເຕັກໂນໂລຊີ (ກວຕ), ທ່ານ ບັນດິດ.

ສຈ. ບໍ່ວຽງຄຳ ວົງດາລາ, ລັດຖະມົນຕີ ກວຕ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ນາງ ກາລິກາ ວົງທອງສິຣິ, ຮັກສາການແທນຜູ້ອຳນວຍການ ອົງການພິພິທະພັນວິທະຍາສາດແຫ່ງຊາດໄທ ພ້ອມດ້ວຍຄະນະ.

ຈຸດປະສົງເຂົ້າພົບປະໃນຄັ້ງນີ້ ເພື່ອລາຍງານການກະກຽມຈັດຝຶກອົບຮົມ ສ້າງຈິດສຳນຶກດ້ານວິທະຍາ ສາດດາລາສາດ ໃນລະຫວ່າງວັນທີ 05-08 ເມສາ 2017.

ໂອກາດນີ້, ທ່ານ ລັດຖະມົນຕີ ກວຕ ໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ກັບການເຄື່ອນ ໄຫວເຮັດວຽກຂອງຄະນະ ເຊິ່ງຈະເປັນການປະກອບສ່ວນອັນສຳຄັນ ເພື່ອສ້າງຄວາມເຂົ້າໃຈ ແລະ ການຮ່ວມມື ຂອງສອງປະເທດ ລາວ-ໄທ ໃຫ້ນັບມື້ມີບາດກ້າວທີ່ໜັກແໜ້ນເຂັ້ມແຂງຍິ່ງໆຂຶ້ນ ໂດຍສະເພາະ ໃນຂົງເຂດວຽກ ດ້ານວິທະຍາສາດ ແລະ ເຕັກໂນໂລຊີ ທີ່ສອງຝ່າຍໄດ້ເອົາໃຈໃສ່ຢ່າງຕັ້ງໜ້າ ເພື່ອແນໃສ່ສົ່ງເສີມການຮ່ວມມື ແລະ ແລກປ່ຽນບົດຮຽນເຊິ່ງກັນ ແລະ ກັນ, ຍົກສູງຄວາມສາມາດຂອງວຽກງານດັ່ງກ່າວ ໃຫ້ມີຄວາມເຂັ້ມແຂງຂຶ້ນ ເລື້ອຍໆ.

ພ້ອມດຽວກັນນັ້ນ, ທ່ານ ນາງ ກາລິກາ ວົງທອງສິຣິ, ຮັກສາການແທນຜູ້ອຳນວຍການ ອົງການພິພິທະພັນວິທະຍາສາດແຫ່ງຊາດໄທ ໄດ້ສະແດງຄວາມຂອບ ໃຈຕໍ່ການຕ້ອນຮັບອັນອົບອຸ່ນ ພ້ອມທັງລາຍງານເຖິງການມາເຮັດວຽກ ຕໍ່ທ່ານ ລັດຖະມົນຕີ ກວຕ ຊາບວ່າ: ການຈັດຝຶກອົບຮົມກ່ຽວກັບການສ້າງຈິດສຳນຶກດ້ານວິ ທະຍາສາດ ດາຣາສາດ ຄັ້ງທີ I ຂຶ້ນສຳລັບຄູຊັ້ນປະຖົມ ແລະ ຈັດກິດຈະກຳເບິ່ງດາວເຂົ້າໃກ້ໂລກຢູ່ ມະຫາວິທະຍາໄລແຫ່ງຊາດ ແລະ ໂຮງຮຽນພອນສະຫວັນ ໃນລະຫວ່າງວັນທີ 05-08 ເມສາ 2017 ນີ້ ມີຜູ້ເຂົ້າຮ່ວມ ຈຳນວນທັງໝົດ 68 ຄົນ ມາຈາກ 25 ໂຮງຮຽນ ໃນນະຄອນຫຼວງວຽງຈັນ.


ຂ່າວ ແລະ ຮູບພາບ: ບາລະຄອນ ສຸວັນນະພາສີ

altaltalt