<
ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ພິທີເຊັນບົດບັນທຶກຄວາມເຂົ້າໃຈວ່າດ້ວຍ ການຮ່ວມມືດ້ານ ວຕ ໃນຂົງເຂດການຄົ້ນຄວ້າ ແລະ ນຳໃຊ້ເຕັກໂນໂລຊີ ການສືບຢັ່ງທາງໄກ

ເວລາອອກ:2018-01-02 21:51:02   ຄວາມເປັນມາຂອງບົດ:本站原创

ພິທີເຊັນບົດບັນທຶກຄວາມເຂົ້າໃຈວ່າດ້ວຍ ການຮ່ວມມື ດ້ານວິທະຍາສາດ ແລະ ເຕັກໂນໂລຊີ ໃນຂົງເຂດ ການ

ຄົ້ນຄວ້າ ແລະ ນຳໃຊ້ເຕັກໂນໂລຊີການສືບຢັ່ງທາງໄກ ໂດຍຜ່ານລະບົບດາວທຽມ ລະຫວ່າງ ກະຊວງວິທະຍາສາດ ແລະ ເຕັກໂນໂລຊີ (ກວຕ) ແລະ ບໍລິສັດ ສະເປັກໄອລາວ ຈຳກັດຜູ້ດຽວ.

ການຮ່ວມມືໃນຂົງເຂດການຄົ້ນນຄວ້າ ແລະ ການນຳໃຊ້ເຕັກໂນໂລຊີ ການສືບຢັ່ງທາງໄກ ໂດຍຜ່ານ ລະບົບດາວທຽມແມ່ນວຽກງານຈຸດສຸມ ຊຶ່ງນອນໃນແຜນພັດທະນາດ້ານຊັບພະຍາກອນມະນຸດ ແລະ ແຜນງານ ການສົ່ງເສີມການຄົ້ນຄວ້ານຳໃຊ້ ແລະ ພັດທະນາວຽກງານວິທະຍາສາດ ແລະ ເຕັກໂນໂລຊີ ແຕ່ປີ 2016-2020 ຂອງປະເທດເຮົາ.

ໃນບົດບັນທຶກຊ່ວຍຈຳສະບັບນີ້ ຈະໄດ້ມີການຮ່ວມມືກັນໃນ 3 ດ້ານສໍາຄັນ ຄື: ການຮ່ວມມືທາງດ້ານ ການນຳໃຊ້ເຕັກນິກການສືບຢັ່ງທາງໄກ ຈາກດາວທຽມແຫ່ງຊາດລາວ, ການຮ່ວມມືດ້ານການນຳໃຊ້ເຕັກນິກການສືບ ຢັ່ງທາງໄກ ຈາກຍົນບໍ່ມີຄົນຂັບ ແຫ່ງຊາດລາວ ແລະ ແຜນທີ່ນຳພາທາງ ແລະ ການທ່ອງທ່ຽວ ແຫ່ງຊາດລາວ.

ການຮ່ວມມືໃນຄັ້ງນີ້, ຈະນຳຜົນປະໂຫຍດໃຫ້ແກ່ພວກເຮົາຫຼາຍຢ່າງ ເປັນຕົ້ນແມ່ນ ການຜະລິດຍົນບໍ່ມີຄົນຂັບເພື່ອສຳຫຼວດ ແລະ ເກັບກຳຂໍ້ມູນ, ໃຫ້ບໍລິການ ແລະ ການນຳໃຊ້ພາບຖ່າຍທາງດາວທຽມ, ການສ້າງແຜນທີ່ນຳທາງໃນການຄຸ້ມຄອງພາຫະນະ ແລະ ການໃຫ້ບໍລິການການສັນຈອນພາຫະນະດ້ວຍ ລະບົບດີຈິຕ໋ອນແຜນ ທີ່ນຳພາທາງ. ນອກນັ້ນ ຍັງເປັນການສ້າງຄວາມຮູ້, ຄວາມສາມາດ ໃຫ້ແກ່ພາກສ່ວນທີ່ກ່ຽວຂ້ອງ ແລະ ຍັງເປັນການພັດທະນາເສດຖະກິດ-ສັງຄົມອີກດ້ວຍ.

ລົງນາມໃນບົດບັນທຶກຄັ້ງນີ້ຕາງໜ້າ ກວຕ,ແມ່ນ ທ່ານ ປອ. ຄຳເພັດ ວົງດາລາ, ຮັກສາການຫົວໜ້າ ກົມແຜນການ ແລະ ການຮ່ວມື ແລະ ຕາງໜ້າບໍລິສັດ ດັ່ງກ່າວ ແມ່ນ ທ່ານ ນ. ພູຄຳ ວົງວິຈິດ, ປະທານ ບໍລິສັດສະເປັກໄອລາວ ຈຳກັດຜູ້ດຽວ.

ພິທີດັ່ງກ່າວ ໄດ້ຈັດຂຶ້ນໃນຕອນແລງຂອງວັນທີ 21ພະຈິກ 2017 ທີ່ໂຮງແຮມ ດອນຈັນ ພາເລດນະຄອນຫຼວງວຽງຈັນ ໂດຍໄດ້ຮັບກຽດເຂົ້າຮ່ວມເປັນສັກ ຂີພິຍານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາກຳມະການສູນກາງພັກລັດຖະມົນຕີ ກວຕ, ທ່ານ ຮອງລັດຖະມົນຕີ ກວຕບັນດາຫົວໜ້າຫ້ອງການກົມສະຖາ ບັນ ແລະ ພາກສ່ວນກ່ຽວຂ້ອງທັງສອງຝ່າຍ.

ບົດຂ່າວ: ບາລະຄອນ ສຸວັນນພາສີ

ຮູບພາບ: ບຸນທັນ ນັນທະວົງ

altaltaltaltalt