ຍິນດີຕ້ອນຮັບມາສູນຖ່າຍທອດເຕັກໂນໂລຊີ ລາວ - ຈີນ

ສານຂອງພະນະທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດຂອງ ສປປ ລາວ ໂອກາດວັນຄົບຮອບ 49 ປີ ແຫ່ງການສ້າງຕັ້ງອາຊຽນ ແລະ ຄົບຮອບ 19 ປີ ສປປ ລາວ ເຂົ້າເປັນ

ປະກາດຄວາມກ້າວຫນ້າ
ທີ່ໃຊ້ເວລາການລົງທະບຽນ:2017-01-04 ~ 2017-01-14
ທີ່ໃຊ້ເວລາ:2017-01-20 ~ 2017-01-26
  • ເບີໂທ
  • ແຟ່ກ
  • ທີ່ຢູ່ກິດຈະກໍາ
    http://www.cattc.org.cn/supplydetail.aspx/8
  • ລາຍລະອຽດກິຈະກໍາ
  • ການຈັດການເວລາ
  • ວິທີການລົງທະບຽນແລະວິທີການຕິດຕໍ່
ລາຍລະອຽດກິຈະກໍາ

- ຮຽນບັນດາທ່ານ ຜູ້ນຳພັກ - ລັດ,
- ພະນັກງານ, ທະຫານ, ຕຳຫຼວດ ແລະ ພໍ່ແມ່ພີ່ນ້ອງທີ່ ຮັກແພງທັງຫຼາຍ,
ເນື່ອງໃນໂອກາດ ຄົບຮອບ 49 ປີແຫ່ງການສ້າງຕັ້ງສະມາຄົມ  ບັນດາປະຊາຊາດອາຊີຕາເວັນ  ອອກສ່ຽງໃຕ້ ຫຼື ອາຊຽນ (8 ສິງ ຫາ 1967-8 ສິງຫາ 2016) ແລະ ຄົບຮອບ 19 ປີ ທີ່ສາທາ  ລະນະລັດ ປະຊາທິປະໄຕ ປະ  ຊາຊົນລາວ ເຂົ້າອາຊຽນ (23 ກໍລະກົດ 1997 - 23 ກໍລະກົດ 2016) ຂ້າພະເຈົ້າຕາງໜ້າລັດ  ຖະບານ ແຫ່ງ ສປປ ລາວ ຂໍສະ ແດງຄວາມຢື້ຢາມຖາມຂ່າວ ອັນອົບອຸ່ນ ມາຍັງບັນດາທ່ານ  ຜູ້ນຳພັກ-ລັດ, ພະນັກງານ, ທະ ຫານ, ຕຳຫຼວດ ແລະ ພີ່ນ້ອງ ຊາວ  ລາວທຸກຖ້ວນໜ້າທັງພາຍໃນ ແລະ ຕ່າງປະເທດ, ກໍຄືຊາວຕ່າງ ປະເທດ ທີ່ເຮັດວຽກ ແລະ ດຳ ລົງຊີວິດຢູ່ ສປປ ລາວ.
ບັນດາທ່ານ ແລະ ພໍ່ແມ່ພີ່ ນ້ອງ ທີ່ຮັກແພງທັງຫຼາຍ.
ອາຊຽນ ເປັນອົງການຈັດ  ຕັ້ງພາກພື້ນລະຫວ່າງລັດຖະ  ບານ ທີ່ໄດ້ຜ່ານວິວັດທະນາ ການທີ່ຍາວນານ, ຜ່ານການ ທົດສອບຕ່າງໆນາໆ ແລະ ມີຜົນ ສຳເລັດເທື່ອລະກ່າວໃນໄລຍະ 5 ທົດສະຫວັດ ທີ່ຜ່ານມາ, ອັນ  ໄດ້ເຮັດໃຫ້ອາຊຽນເປັນພາກ  ພື້ນທີ່ມີສັນຕິພາບ, ສະຖຽນລະ  ພາບ, ເສດຖະກິດມີການເຕີບ ໂຕຢ່າງຕໍ່ເນື່ອງ ແລະ ປະຊາຊົນ ກໍໄປມາຫາສູ່ກັນຫຼາຍຂຶ້ນ ຈົນ ສາມາດປະກາດສ້າງຕັ້ງເປັນ ປະຊາຄົມອາຊຽນ ໃນວັນທີ 31 ທັນວາ 2015 ຊຶ່ງເປັນຂີດໝາຍ ປະຫວັດສາດທີ່ສຳຄັນຂອງອາ  ຊຽນ.
ປະຊາຄົມອາຊຽນ ເປັນ ປະຊາຄົມ ແຫ່ງກາລະໂອກາດ  ບໍ່ສະເພາະແຕ່ສຳລັບປະຊາ  ຊົນອາຊຽນ 620 ລ້ານກວ່າຄົນ  ເທົ່ານັ້ນ, ແຕ່ຍັງເປັນກາລະໂອ  ກາດສຳລັບປະເທດຕ່າງໆນອກ ພາກພື້ນອີກດ້ວຍ. ອາຊຽນເປັນ ຕະຫຼາດ ແລະ ຖານການຜະລິດ ໜຶ່ງດຽວທີ່ມີຍອດຜະລິດຕະ ພັນພາຍໃນ 2,43 ພັນຕື້ໂດລາ  ສະຫະລັດ ໃນປີ 2015, ເປັນ ເສດຖະກິດໃຫຍ່ອັນດັບ 6 ຂອງ ໂລກ, ຄາດວ່າໃນຕໍ່ໜ້າເສດຖະ ກິດຂອງອາຊຽນ ຈະເຕີບໂຕໃນ ຈັງຫວະ 7% ຕໍ່ປີ ຊຶ່ງລວມຍອດ ຜະລິດຕະພັນພາຍໃນຈະບັນ  ລຸ 4,7 ພັນຕື້ ໂດລາສະຫະລັດ  ໃນປີ 2020 ຊຶ່ງມີຄວາມເປັນ ໄປໄດ້ ທີ່ຈະກາຍເປັນເສດຖະ  ກິດໃຫຍ່ອັນດັບ 4 ຂອງໂລກໃນ ປີ 2030, ອາຊຽນເປັນພາກສ່ວນ ທີ່ສຳຄັນ ແລະ ທັງເປັນແກນ ກາງ ຂອງໂຄງສ້າງພາກພື້ນທີ່ພວມ ຜັນແປໄປຢ່າງສະຫຼັບຊັບຊ້ອນ ນອກນັ້ນ, ອາຊຽນຍັງເປັນອົງ  ການຈັດຕັ້ງພາກພື້ນລະຫວ່າງ  ລັດຖະບານທີ່ມີລັກສະນະ  ສະເພາະໂດຍມີ 10 ປະເທດ   ສະມາຊິກ ທີ່ມີຄວາມຫຼາກຫຼາຍ ດ້ານວັດທະນະທຳ, ສາສະໜາ, ພາສາ ແລະ ອື່ນໆ, ແຕ່ຮ່ວມມື  ກັນພາຍໃຕ້ປະຊາຄົມອາຊຽນ.  ສປປ ລາວ ມີຄວາມພາກພູມ  ໃຈຢ່າງຍິ່ງທີ່ເປັນສ່ວນໜຶ່ງ  ຂອງປະຊາຄົມອາຊຽນນີ້.
ຜົນສຳເລັດຕ່າງໆທີ່ອາ ຊຽນ ຍາດມາໄດ້ແມ່ນໝາກ ຜົນແຫ່ງການຮ່ວມມືກັນພາຍ  ໃນອາຊຽນ ແລະ ລະຫວ່າງ ອາ ຊຽນກັບຄູ່ຮ່ວມມືພາຍນອກ ໂດຍຜ່ານກົນໄກທີ່ອາຊຽນ ລິເລີ່ມຂຶ້ນຕາມວິຖີທາງອາ ຊຽນ ແລະ ສອດຄ່ອງກັບຈຸດພິ  ເສດ ແລະ ລັກສະນະສະເພາະ  ຂອງພາກພື້ນອາຊຽນ ເພື່ອສືບ  ຕໍ່ສ້າງປະຊາຄົມອາຊຽນໃຫ້ ເຂັ້ມແຂງ, ອາຊຽນຈະສືບຕໍ່ດຳ  ເນີນບົນຈິດໃຈນີ້ຕໍ່ໄປ.
ພໍ່ແມ່ພີ່ນ້ອງ ທີ່ຮັກແພງ ທັງຫຼາຍ.
ການສ້າງປະຊາຄົມອາ ຊຽນ ເປັນຂະບວນການທີ່ດຳ ເນີນຕໍ່ໄປ ຢ່າງບໍ່ຢຸດຢັ້ງກອງປະ ຊຸມສຸດຍອດອາຊຽນ ຄັ້ງທີ 27 ໃນທ້າຍປີ 2015 ທີ່ ກົວລາລຳ ເປີ ໄດ້ກຳນົດທິດທາງເດີນຂອງອາ  ຊຽນໃນ 10 ປີ ຂ້າງໜ້າ ໂດຍ ໄດ້  ຮັບຮອງເອົາວິໄສທັດປະຊາຄົມ ອາຊຽນ 2025 ແລະ 3 ແຜນແມ່ ບົດຄື: ແຜນແມ່ບົດປະຊາຄົມ  ການເມືອງ-ຄວາມໝັ້ນຄົງອາ  ຊຽນ, ແຜນແມ່ບົດປະຊາຄົມ ເສດຖະກິດອາຊຽນ ແລະ ແຜນ ແມ່ບົດປະຊາຄົມວັດທະນະ ທຳ-ສັງຄົມອາຊຽນ ແນໃສ່ສືບ  ຕໍ່ສ້າງປະຊາຄົມອາຊຽນໃຫ້ ເຂັ້ມແຂງ ແລະ ຈະເລີນກ້າວໜ້າ. 
ສປປ ລາວ ຮູ້ສຶກເປັນກຽດ ຢ່າງສູງ ແລະ ພູມໃຈ ທີ່ໄດ້ຖືກ  ມອບໝາຍເປັນປະທານອາ ຊຽນ ເປັນຄັ້ງທີ 2 ໃນປີ 2016  ຊຶ່ງເປັນປີທີ່ມີຄວາມໝາຍສຳ ຄັນສຳລັບອາຊຽນ ເນື່ອງຈາກ  ວ່າເປັນປີໄຂສັງກາດໃໝ່ຂອງ  ການເປັນປະຊາຄົມອາຊຽນ ແລະ ທັງເປັນປີທຳອິດຂອງ ການ ຈັດຕັ້ງປະຕິບັດວິໄສທັດປະຊາ  ຄົມອາຊຽນ 2025 ບົນຈິດໃຈ ດັ່ງກ່າວ, ສປປ ລາວ ຈຶ່ງໄດ້ ວາງ ຄຳຂັວນສຳລັບການເປັນ ປະທານວ່າ “ຫັນວິໄສທັດໃຫ້ ເປັນຮູບປະທຳເພື່ອຄວາມເຂັ້ມ ແຂງຂອງປະຊາຄົມອາຊຽນ” ແລະ ໄດ້ກຳນົດ 8 ບູລິມະສິດ  ຄື: 1.) ຜັນຂະຫຍາຍວິໄສທັດ  ປະຊາຄົມອາຊຽນ 2025, 2.) ຮັດແຄບຄວາມແຕກໂຕນທາງ  ດ້ານການພັດທະນາ, 3.) ອຳ ນວຍຄວາມສະດວກດ້ານການ  ຄ້າ, 4.) ພັດທະນາວິສາຫະກິດ  ຂະໜາດນ້ອຍ ແລະ ກາງ, 5.) ພັດ ທະນາການທ່ອງທ່ຽວ, 6.) ຮັດແໜ້ນການເຊື່ອມຈອດອາ  ຊຽນ, 7.) ຫັນປ່ຽນຈາກການ  ຈ້າງ ງານນອກລະບົບໄປສູ່ການ ຈ້າງງານໃນລະບົບ ເພື່ອກ້າວ ໄປສູ່ການສົ່ງເສີມວຽກທີ່ຖືກ  ຕ້ອງ ແລະ ເປັນທຳໃນອາຊຽນ  ແລະ 8.) ຊຸກຍູ້ສົ່ງເສີມການ ຮ່ວມ ມືທາງດ້ານມໍລະດົກວັດ ທະນະທຳອາຊຽນ.
ການເປັນປະທານອາຊຽນ ຂອງ ສປປ ລາວ ໄດ້ດຳເນີນ ມາແລ້ວ 7 ເດືອນ. ພວກເຮົາ ໄດ້ສຳເລັດການເປັນເຈົ້າພາບ ແລະ ປະທານກອງປະຊຸມໃນ ລະດັບຕ່າງໆທີ່ສຳຄັນເຊັ່ນ: ກອງປະຊຸມວົງແຄບຂອງລັດ ຖະມົນຕີຕ່າງປະເທດອາຊຽນ, ກອງປະຊຸມລັດຖະມົນຕີຕ່າງ ປະເທດອາຊຽນ ຄັ້ງທີ 49 ແລະ ບັນດາກອງປະຊຸມທີ່ກ່ຽວຂ້ອງ, ກອງປະຊຸມສະພາປະຊາຄົມ ວັດທະນະທຳ-ສັງຄົມອາຊຽນ ຄັ້ງທີ 15, ກອງປະຊຸມລັດຖະ ມົນຕີເສດຖະກິດອາຊຽນ ຄັ້ງທີ 48, ກອງປະຊຸມລັດຖະມົນຕີ ປ້ອງກັນປະເທດອາຊຽນ ຄັ້ງທີ 10, ກອງປະຊຸມລັດຖະມົນຕີ ແຮງງານອາຊຽນ ຄັ້ງທີ 24 ແລະກອງປະຊຸມອື່ນໆ.
ການຈັດຕັ້ງປະຕິບັດ 8 ບູລິມະສິດ ມີຄວາມຄືບໜ້າດີ ໂດຍໄດ້ສຳເລັດບາງເອກະສານ ເຊັ່ນ: ຖະແຫຼງການວຽງຈັນ ວ່າ ດ້ວຍການຫັນປ່ຽນຈາກການ ຈ້າງງານນອກລະບົບໄປສູ່ ການຈ້າງງານໃນລະບົບເພື່ອ ກ້າວໄປສູ່ການສົ່ງເສີມວຽກທີ່ ຖືກຕ້ອງ ແລະ ເປັນທຳໃນ ອາຊຽນ. ສ່ວນເອກະສານອື່ນກໍ ພວມຢູ່ໃນຂັ້ນຕອນສຸດທ້າຍ ຂອງການຮ່າງເຊັ່ນ: ແຜນງານ ສຳລັບຂໍ້ລິເລີ່ມເພື່ອການ ເຊື່ອມໂຍງອາຊຽນສະບັບທີ 3, ແຜນແມ່ບົດການເຊື່ອມ ຈອດອາຊຽນ 2025, ຖະແຫຼງ ການວຽງຈັນ ວ່າດ້ວຍການຊຸກ ຍູ້ສົ່ງເສີມການຮ່ວມມືທາງ ດ້ານມໍລະດົກວັດທະນະທຳ ອາຊຽນ, ຂອບວຽກການອຳ ນວຍຄວາມສະດວກທາງດ້ານ ການຄ້າອາຊຽນ, ຂອບວຽກ ກ່ຽວ ກັບການເຂົ້າເຖິງແຫຼ່ງທຶນ ຂອງທຸລະກິດຂະໜາດນ້ອຍ ແລະ ກາງ, ການປັບປຸງສະພາບ ແວດລ້ອມໃນການສ້າງຕັ້ງ ແລະ ດຳເນີນທຸລະກິດ ສຳລັບ ທຸລະກິດຂະໜາດນ້ອຍ ແລະ ກາງ, ຖະແຫຼງການວ່າດ້ວຍ ການສົ່ງເສີມການຮ່ວມມື ເພື່ອ ການພັດທະນາແບບຍືນຍົງ ແລະ ຖະແຫຼງການວຽງຈັນ ວ່າ ດ້ວຍການສົ່ງເສີມການຮ່ວມມື ເພື່ອພັດທະນາພື້ນຖານໂຄງ ລ່າງໃນອາຊີຕາເວັນອອກ ແລະ ອື່ນໆ. ບັນດາເອກະສານເຫຼົ່າ ນັ້ນ ຈະຖືກຮັບຮອງເອົາໃນກອງ ປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ບັນດາກອງ ປະຊຸມສຸດຍອດທີ່ກ່ຽວຂ້ອງໃນ ວັນທີ 6-8 ກັນຍາ 2016 ນີ້ ທີ່ ນະຄອນຫຼວງວຽງຈັນ.
ຂ້າພະເຈົ້າ ຂໍຖືໂອກາດນີ້ ສະແດງຄວາມຂອບໃຈຢ່າງຈິງ ໃຈຕໍ່ບັນດາປະເທດສະມາຊິກ ອາຊຽນ, ຄູ່ເຈລະຈາອາຊຽນ ກໍຄືບັນດາຄູ່ຮ່ວມມືພາຍນອກ ແລະ ບັນດາປະເທດເພື່ອນມິດ ແລະ ອົງການຈັດຕັ້ງພາກພື້ນ ແລະ ສາກົນ ທີ່ໄດ້ໃຫ້ການ ຮ່ວມມື, ຊ່ວຍເຫຼືອ ແລະ ສະ ໜັບສະໜູນ ສປປ ລາວ ໃນການ ເປັນປະທານອາຊຽນ ຕະຫຼອດ 7 ເດືອນທີ່ຜ່ານມາ ແລະ ຫວັງ ຢ່າງຍິ່ງວ່າ ຈະສືບຕໍ່ໄດ້ຮັບການ ຮ່ວມມື, ຊ່ວຍເຫຼືອ ແລະ ສະ ໜັບສະໜູນຈາກພວກທ່ານ ໂດຍສະເພາະແມ່ນເພື່ອຮັບ ປະກັນຜົນສຳເລັດໃນການຈັດ ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ບັນດາ ກອງປະຊຸມສຸດຍອດທີ່ກ່ຽວ ຂ້ອງ. 
ພໍ່ແມ່ພີ່ນ້ອງ ທີ່ຮັກແພງ ທັງຫຼາຍ.
ຂ້າພະເຈົ້າ ໃນນາມ ພັກ ແລະ ລັດຖະບານ ຂໍສະແດງ ຄວາມຊົມເຊີຍ ແລະ ຂອບໃຈ  ຢ່າງຈິງໃຈມາຍັງ ພໍ່ແມ່ພີ່ນ້ອງ ຊາວລາວທຸກຖ້ວນໜ້າ ທີ່ໄດ້ ປະກອບສ່ວນຢ່າງຫ້າວຫັນ ເຂົ້າໃນການເປັນເຈົ້າພາບ ກອງປະຊຸມອາຊຽນທີ່ດີໄລຍະ ຜ່ານມາກໍຄື ການເປັນປະທານ ອາຊຽນ ຂອງ ສປປ ລາວ ໃນປີ 2016 ນີ້. ໃນຕົ້ນເດືອນກັນຍາ  ທີ່ຈະມາເຖິງນີ້, ສປປ ລາວ ຈະ ໄດ້ເປັນເຈົ້າພາບ ແລະ ປະ ທານ ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ແລະ ບັນດາ ກອງປະຊຸມສຸດຍອດທີ່ກ່ຽວ ຂ້ອງລວມທັງໝົດ 11 ກອງປະ ຊຸມສຸດຍອດ ໂດຍ ຈະມີບັນດາ ຜູ້ນຳ ຈາກ 17 ປະເທດ, ເລຂາ ທິການໃຫຍ່ອາຊຽນ ແລະ ເລຂາ ທີການໃຫຍ່ຂອງອົງການສະ ຫະປະຊາຊາດ ເຂົ້າຮ່ວມ. ໃນ ໂອກາດນີ້ ຍັງຈະມີການຢ້ຽມ ຢາມສອງຝ່າຍຂອງປະມຸກລັດ ແລະ ຫົວໜ້າລັດຖະບານຂອງ ບັນດາປະເທດຈຳນວນໜຶ່ງ ຂ້າພະເຈົ້າ ຂໍຖືໂອາກາດນີ້ ຮຽກຮ້ອງມາຍັງພໍ່ແມ່ພີ່ນ້ອງ ຊາວລາວທີ່ຮັກແພງ ຈົ່ງພ້ອມ ກັນສືບຕໍ່ປະກອບສ່ວນຕາມ ພາລະໜ້າທີ່ ແລະ ຄວາມຮັບ ຜິດຊອບຂອງຕົນ ເພື່ອພ້ອມ ກັນເປັນເຈົ້າພາບທີ່ດີ ແລະ ຮັບປະກັນຜົນສຳເລັດຂອງ ບັນດາກອງປະຊຸມສຸດຍອດດັ່ງ ກ່າວໃນທຸກດ້ານ.
ສຸດທ້າຍນີ້, ຂ້າພະເຈົ້າ ຂໍອວຍພອນໄຊອັນປະເສີດ ແດ່ບັນດາຜູ້ນຳພັກ-ລັດ, ພະ ນັກງານ, ທະຫານ, ຕຳຫຼວດ, ນັກທຸລະກິດ, ພໍ່ຄ້າຊາວຂາຍ ແລະ ປວງຊົນລາວທຸກຖ້ວນ ໜ້າທັງຢູ່ພາຍໃນ ແລະ ຕ່າງ ປະເທດ ກໍຄືຊາວຕ່າງປະເທດ ທີ່ເຮັດວຽກ ແລະ ດຳລົງຊີວິດ ຢູ່ ສປປ ລາວ ຈົ່ງມີສຸຂະພາບ ເຂັ້ມແຂງ, ປະສົບຜົນສຳເລັດ ໃນໜ້າທີ່ວຽກງານທີ່ຊອບທຳ ຂອງຕົນ ແລະ ຮ່ວມກັນສະ ເຫຼີມສະຫຼອງວັນອາຊຽນ  ຄົບ ຮອບ 49 ປີ ແລະ ວັນເຂົ້າ ອາຊຽນຂອງ ສປປ ລາວ ຄົບ ຮອບ 19 ປີ ຢ່າງມ່ວນຊື່ນ ແລະ ມີເນື້ອໃນ ເພື່ອປະກອບສ່ວນ ເຂົ້າໃນຜົນສຳເລັດຂອງການ ເປັນປະທານອາຊຽນ ໃນປີ 2016 ຂອງ ສປປ ລາວ.
ຂໍຂອບໃຈ.